ମୁମ୍ବାଇ : ବଲିଉଡ ଅଭିନେତା ଅର୍ଶଦ ୱାର୍ସି ଏବଂ ଭୁମି ପେଡନେକରଙ୍କ ଅଭିନୀତ ଚଳଚ୍ଚିତ୍ର ଦୁର୍ଗାମତୀର ଟ୍ରେଲର ବୁଧବାର ରିଲିଜ ହୋଇଛି। ଏହା ଆମାଜନ ପ୍ରାଇମ ଭିଡିଓ ଇଣ୍ଡିଆର ୟୁଟ୍ୟୁବ ଚ୍ୟାନେଲରେ ରିଲିଜ ହୋଇଛି । ତିନି ମିନିଟ୍ ଏବଂ 20 ସେକେଣ୍ଡ୍ ଟ୍ରେଲରର ଫିଲ୍ମଟି ଅତି ରୋମାଞ୍ଚକର ରହିଛି । ଯଦିଓ ଟ୍ରେଲରରୁ ସମ୍ପୂର୍ଣ୍ଣ କାହାଣୀ ସ୍ପଷ୍ଟ ହୋଇପାରୁନାହିଁ ।
<></>
ଏହି ଚଳଚ୍ଚିତ୍ରରେ ଭୁମି ପେଡନେକର ଜଣେ ଆଇଏଏସ୍ ଅଧିକାରୀ ଭୂମିକାରେ ଅଭିନୟ କରିଛନ୍ତି । ଜି ଅଶୋକଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ତାମିଲ-ତେଲୁଗୁ ଚଳଚ୍ଚିତ୍ର ଭାଗବତୀର ହିନ୍ଦୀ ରିମେକ୍ ଅଟେ। ମୂଳ ଚଳଚ୍ଚିତ୍ରଟି ଜି ଅଶୋକଙ୍କ ଦ୍ୱାରା ନିର୍ଦ୍ଦେଶିତ ହୋଇଥିବା ବେଳେ ଅନୁଷ୍କା ଶେଟ୍ଟୀ ସେହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିଥିଲେ।
ଡିସେମ୍ବର 11 ରେ ଆମାଜନ ପ୍ରାଇମ ଭିଡିଓ ଇଣ୍ଡିଆରେ ରିଲିଜ ହେବାକୁ ଯାଉଥିବା ଏହି ଚଳଚ୍ଚିତ୍ରର ଟ୍ରେଲରରେ ଅନେକ ଭୟାନକ ମୁହୂର୍ତ୍ତ ରହିଛି। କାହାଣୀଟି କିଛି ରାଜନେତାଙ୍କ ବିଷୟରେ ରହିଛି ଯେଉଁମାନେ ଜଣେ ଭଲ ରାଜନେତାକୁ ଫସାଇବାକୁ ଷଡଯନ୍ତ୍ର କରୁଛନ୍ତି । ସେମାନେ ଏହି ଖେଳରେ ଚଞ୍ଚଲ ଚୌହାନ (ଭୁମି ପେଡନେକର) କୁ ମଧ୍ୟ ସାମିଲ କରନ୍ତି ଏବଂ ତାଙ୍କୁ ଏକ ପୁରୁଣା ନିଛାଟିଆ ସ୍ଥାନକୁ ନେଇ ପଚରାଉଚରା କରନ୍ତି ଯାହା ଦ୍ୱାରା ସେମାନଙ୍କ କାର୍ଯ୍ୟକଳାପକୁ କେହି ସନ୍ଦେହ କରିପାରିବେ ନାହିଁ ।
ଟ୍ରେଲରରେ ସବୁଠାରୁ ଦମଦାର ଜିନିଷ ହେଉଛି ଅଭିନେତ୍ରୀ ଭୁମିଙ୍କ ଅଭିନୟ ଏବଂ ତାଙ୍କର ଲୁକ୍ । ବଲିଉଡ ଅଭିନେତା ଅକ୍ଷୟ କୁମାର ନିଜ ଟ୍ୱିଟର ହ୍ୟାଣ୍ଡେଲରେ ଫିଲ୍ମର ଟ୍ରେଲର ସେୟାର କରିଛନ୍ତି ଏବଂ ଲେଖିଛନ୍ତି – ତାଙ୍କ କ୍ରୋଧରୁ କେହି ରକ୍ଷା ପାଇପାରିବେ ନାହିଁ। ଫିଲ୍ମ ରିଲିଜରେ ଅଧିକ ସମୟ ବାକି ନାହିଁ ।
