ରାଜ୍ୟରେ ଆଜିଠୁ ବସ୍‌ ଚଳାଚଳ ସ୍ୱାଭାବିକ

ଭୁବନେଶ୍ୱର: ଆଜିଠାରୁ ରାଜ୍ୟରେ ବସ ଚଳାଚଳ ସ୍ୱାଭାବିକ ହୋଇଛି । ବରମୁଣ୍ଡା ବସଷ୍ଟାଣ୍ଡରୁ ରାଜ୍ୟର ସବୁ ଜିଲ୍ଲାକୁ ବସ ଚଳାଚଳ ଆରମ୍ଭ ହୋଇଛି। କରୋନା ଗାଇଡଲାଇନ ସହ ଯାତ୍ରୀମାନେ ବସରେ ବସି ଗନ୍ତବ୍ୟ ସ୍ଥଳକୁ ଯାଉଛନ୍ତି। ସମସ୍ତଙ୍କ ମୁହଁରେ ରହିଛି ମାସ୍କ। ସରକାରଙ୍କ କଟକଣାକୁ ଦୃଷ୍ଟିରେ ରଖି ବସରେ ନୋ ମାସ୍କ ନୋ ଏଣ୍ଟ୍ରି ଲେଖାଯାଇଛି। ସକାଳୁ ସକାଳୁ ଅର୍ଡିନାରି ବସ ଚଳାଚଳ ଆରମ୍ଭ ହୋଇଥିବା ବେଳେ ସନ୍ଧ୍ୟାରେ ନାଇଟକୋଚ୍ ଚଳାଚଳ ଆରମ୍ଭ କରିବ।

ବସରେ ଯେତିକି ସିଟ୍ ରହିଛି ସେତିକି ଯାତ୍ରୀ ଯାତ୍ରା କରିବେ। ଠିଆ ହୋଇ କୌଣସି ଯାତ୍ରୀ ଯାତ୍ରା କରିପାରିବେ ନାହିଁ । ଘରୋଇ ଏବଂ ସରକାରୀ ବସ ସମେତ ଭୁବନେଶ୍ୱରରେ ମୋବସ ଚଳାଚଳ ମଧ୍ୟ ସ୍ୱାଭାବିକ ହୋଇଛି।

ସରକାରଙ୍କ ଅନୁମତି ପରେ ବସ ଚଳାଚଳ ନେଇ ଘରୋଇ ବସ ମାଲିକ ସଂଘ ବସ ଚଳାଇବା ନେଇ ମନା କରିଥିଲେ। ଶନିବାର ଦିନ ଏନେଇ ପରିବହନ ମନ୍ତ୍ରୀ, ସଚିବ, କମିଶନର ଓ ଫାଇନାନ୍ସ ସେକ୍ରେଟାରୀ ଙ୍କ ସହ ରାଜ୍ୟ ଘରୋଇ ବସ୍ ମାଲିକ ସଂଘ ର ଆଲୋଚନା ପରେ ଆଜିଠାରୁ ବସ ଚଳାଚଳ ପାଇଁ ନିଷ୍ପତି ନେଇଥିଲା ମାଲିକ ସଂଘ।

Leave A Reply

Your email address will not be published.

ବ୍ରେକିଂ