ଲୋକପ୍ରିୟ ଗୀତିକାର ପୁଭାଚଲ୍ ଖାଦରଙ୍କ ଦେହାନ୍ତ

ଚେନ୍ନାଇ: ଲୋକପ୍ରିୟ ଗୀତିକାର ପୁଭାଚଲ୍ ଖାଦରଙ୍କ ଦେହାନ୍ତ । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା । ଗତ କିଛି ଦିନ ହେବ ସେ କରୋନାରେ ଆକ୍ରାନ୍ତ ଥିଲେ । ତେବେ ଆଜି ତାଙ୍କର ଚିକିତ୍ସାଧିନ ଅବସ୍ଥାରେ ଦେହାନ୍ତ ହୋଇଛି ।

ପରିବାର ଲୋକେ ଦେଇଥିବା ସୂଚନା ମୁତାବକ,ପୁଭାଚଲ ଗତ କିଛି ଦିନ ଧରି ଚିକିତ୍ସିତ ହେଉଥିଲେ । ହେଲେ ଆଜି ତାଙ୍କର ହୃଦ୍‌ଘାତରେ ଦେହାନ୍ତ ହୋଇଛି । ୪ ଦଶନ୍ଦିରୁ ଅଧିକ ସମୟ ଧରି ଚାଲିଥିବା ନିଜ କ୍ୟାରିଅରରେ ପୁଭାଚଲ ୧୫ଶହରୁ ଅଧିକ ମାଲାୟାଲମ ଫିଲ୍ମ ପାଇଁ ୪୦୦ରୁ ଅଧିକ ଗୀତ ଲେଖିଛନ୍ତି ।

ମୁଖ୍ୟମନ୍ତ୍ରୀ ପିନାରାଇ ବିଜୟ ତାଙ୍କ ମୃତ୍ୟୁକୁ ସମବେଦନା ଜଣାଇବା ସହ ଏହାକୁ ରାଜ୍ୟର ସାମାଜିକ ପରିବେଶ ପାଇଁ ଏକ ବଡ କ୍ଷତି ବୋଲି କହିଛନ୍ତି। ସେ ଆହୁରି କହିଛନ୍ତି ଯେ ସେ ବୋଧହୁଏ ଫିଲ୍ମ ଇଣ୍ଡଷ୍ଟ୍ରି ପାଇଁ ସର୍ବାଧିକ ସଂଖ୍ୟକ ଗୀତ ଲେଖିଥିବା ବ୍ୟକ୍ତି ଭାବରେ ପରିଚିତ ହେବେ। ସେ ସର୍ବଦା ମନେ ରହିବେ। ରାଜ୍ୟର ପ୍ରତ୍ୟେକ ପ୍ରତିଷ୍ଠିତ ସଙ୍ଗୀତକାର ଏବଂ ଗାୟକ ତାଙ୍କ ଗୀତଗୁଡ଼ିକୁ ବ୍ୟବହାର କରିଛନ୍ତି। ଏହା ବ୍ୟତୀତ ସେ ମାଲାୟାଲମ୍ ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ବଡ ହିଟ୍ ନିର୍ମାତାମାନଙ୍କ ସହିତ କାମ କରିଛନ୍ତି।

ପୁଭାଚଲ ରାଜଧାନୀ ଉପକଣ୍ଠରୁ ଆସି ୧୯୭୩ ମସିହାରେ ମାଲାୟାଲମ୍ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ। ଏହା ପରେ ସେ ୨୦୧୧ ପର୍ଯ୍ୟନ୍ତ ବ୍ୟସ୍ତ ଥିଲେ।

Leave A Reply

Your email address will not be published.

ବ୍ରେକିଂ