ଚିତ୍ରକୋଣ୍ଡାରେ ଯବାନଙ୍କୁ ସଫଳତା, ମାଓବାଦୀଙ୍କ ଯୋଜନା ପଣ୍ଡ

ମାଲକାନଗିରି: ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳର ହାନ୍ତାଳଗୁଡା ଠାରେ ଯବାନଙ୍କୁ ବଡ଼ ସଫଳତା । ମାଓବାଦୀଙ୍କ ହିଂସାକାଣ୍ଡ ଯୋଜନାକୁ ପଣ୍ଡ କରିବାରେ ଯବାନ ସଫଳ ହୋଇଛନ୍ତି। ସର୍ଚ୍ଚ ଅପରେସନ ବେଳେ ଜଙ୍ଗଲରୁ ଠାବ ହୋଇଛି ବିପୁଳ ପରିମାଣର ବିସ୍ଫୋରକ ଓ ମାଓ ସାମଗ୍ରୀ ।

ଗୁଇନ୍ଦା ସୂତ୍ରରୁ ଖବର ପାଇ ସର୍ଚ୍ଚ ଅପରେସନ କରିଥିଲେ ବିଏସଏଫ ଯବାନ । କଦଳିବନ୍ଧା ଗ୍ରାମ ନିକଟ ପାହାଡ ପାଖରେ ମାଓବାଦୀଙ୍କ ଗୋଟେ ବ୍ୟାଗ ଜବତ କରିଥିଲେ ଯବାନ ।

ଜବତ ହୋଇଥିବା ବ୍ୟାଗରୁ ୨ଟି ପ୍ରେସର ମାଇନ୍ ବୋମା, ଗୋଟାଏ ଟିଫିନ ବୋମା ସହ ଅନ୍ୟାନ୍ୟ ସାମଗ୍ରୀ ଜବତ କରିଛନ୍ତି ବିଏସଏଫ ଯବାନ । ଘଟଣାସ୍ଥଳରେ ବିଏସଏଫ ବୋମା ନିଷ୍କ୍ରିୟକାରୀ ଟିମ୍ ପହଞ୍ଚି ବୋମାକୁ ନିଷ୍କ୍ରିୟ କରିଥିଲେ । ଗତ କିଛିଦିନ ଧରି ସ୍ଵାଭିମାନ ଅଞ୍ଚଳରେ ବିଏସଏଫ ଯବାନ ବିଭିନ୍ନ ସମୟରେ ମାଓବାଦୀଙ୍କ ଯୋଜନା ପଣ୍ଡ କରୁଥିବା ଦେଖିବାକୁ ମିଳିଛି ।

Leave A Reply

Your email address will not be published.

ବ୍ରେକିଂ