ମହିଳାଙ୍କ ଚିକିତ୍ସା ଓ ପାର୍ଥିବ ଶରୀରକୁ ଘରକୁ ଆଣିବାରେ ସହାୟତା କଲା ଓଡିଶା ମୋ ପରିବାର

ଭୁବନେଶ୍ୱର: ପୁଣି ସହାୟତାର ହାତ ବଢାଇଲା ଓଡ଼ିଶା-ମୋ ପରିବାର । ମହିଳାଙ୍କ ଚିକିତ୍ସା ପାଇଁ ସହୟତା କରିବା ସହ ପାର୍ଥିବ ଶରୀରକୁ ନିଜ ଘର ଲୋକଙ୍କୁ ହସ୍ତାନ୍ତର କରିବାରେ ସହାୟତା କରିଛି ଓଡିଶା ମୋ ପରିବାର । ଓଡ଼ିଶା ମୋ-ପରିବାରର ସହାୟତା କ୍ରମେ ବରଗଡ଼ ଦିପ୍ତିପୁର ତାଳଗ୍ରାମକୁ ଫେରିଛି ଶୋଭାଙ୍ଗୀନୀ ଗରତିଆଙ୍କ ମରଶରୀର । ଏନେଇ ଓଡ଼ିଶା-ମୋ ପରିବାରକୁ ଧନ୍ୟବାଦ ଜଣାଇଛନ୍ତି ମୃତକଙ୍କ ପରିବାର ।

ଗତ ୧୭ ତାରିଖରେ ହଠାତ ଛାତିରେ ଯନ୍ତ୍ରଣା ଅନୁଭବ କରିଥିଲେ ଶୋଭାଙ୍ଗୀନୀ । ପରେ ତାଙ୍କୁ ବିକାଶ ମଲ୍ଟି ହସପିଟାଲରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ କାର୍ଡିଓ ଚିକିତ୍ସା ସୁବିଧା ଉପଲବ୍ଧ ନଥିବାରୁ ତାଙ୍କୁ ଭୁବନେଶ୍ୱର ଆମ୍ରି ହସପିଟାଲ ସ୍ଥାନାନ୍ତରଣ କରାଯାଇଥିଲା । ରାସ୍ତାରେ ସ୍ୱାସ୍ଥ୍ୟବସ୍ଥା ଅଧିକ ସଂକଟାପର୍ଣ୍ଣ ହେବାରୁ ତାଙ୍କୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଥିଲା । ପରେ ସେଠାରୁ ୧୮ ତାରିଖରେ ଆମ୍ରି ହସପିଟାଲରେ ଭର୍ତ୍ତି ହୋଇଥିଲେ ଶୋଭାଙ୍ଗୀନୀ ।

ଏସଂପର୍କରେ ଭୁବନେଶ୍ୱର ଅତିରିକ୍ତ ତହସିଲଦାର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ଜଣାଇବା ପରେ ସହାୟତା ପାଇଁ ଆଗେଇ ଆସିଥିଲା ଓଡ଼ିଶା ମୋ ପରିବାର । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ମାଧ୍ୟମରେ ଶୋଭାଙ୍ଗିନୀଙ୍କ ଚିକିତ୍ସା ସୁନିଶ୍ଚିତ କରାଯାଇଥିଲା । ମାତ୍ର ଚିକିତ୍ସାଧୀନ ଅବସ୍ଥାରେ ଶୋଭାଙ୍ଗିନୀ ପ୍ରାଣ ହରାଇଥିଲେ । ପରେ ଶୋଭାଙ୍ଗିନୀଙ୍କ ମରଶରୀରକୁ ଗାଁକୁ ଫେରାଇନେବାକୁ ସମସ୍ତ ବ୍ୟବସ୍ଥା ମଧ୍ୟ କରିଥିଲା ଓଡ଼ିଶା ମୋ-ପରିବାର ।

Leave A Reply

Your email address will not be published.

ବ୍ରେକିଂ