ଆଇଆଇଏଫଏଲ ଲୁଟ୍ ଘଟଣାର ପର୍ଦ୍ଦାଫାଶ, ଅଭିଯୁକ୍ତ ଅଟକ

କଟକ : କଟକ ନୟାସଡକ ଆଇଆଇଏଫଏଲ ଲୁଟ୍‌ ଘଟଣାର ପର୍ଦ୍ଦାଫାଶ କରିଛି ପୋଲିସ । ସମସ୍ତ ଅଭିଯୁକ୍ତଙ୍କୁ ଅଟକ ରଖାଯାଇଥିବା ପୋଲିସ କମିଶନର ସୁଧାଂଶୁ ଷଡଙ୍ଗୀ ଟ୍ୱିଟ କରି ସୂଚନା ଦେଇଛନ୍ତି । ଲୁଟ୍‌ ଘଟଣାର ସୂତ୍ରଧାର ସେହି କମ୍ପାନୀର କର୍ମଚାରୀ ଥିଲେ । ଏହି ଲୁଟ୍ ରେ ତାକୁ ଅନ୍ୟ 2 ଜଣ ସହାୟତା କରିଥିଲେ ବୋଲି ପୋଲିସ କମିଶନର ସୁଧାଂଶୁ ଷଡଙ୍ଗୀ ସୂଚନା ଦେଇଛନ୍ତି ।

ଲୁଟରେ ବ୍ୟବହୃତ ବାଇକ ମଧ୍ୟ ଜବତ କରିଛି ପୋଲିସ । ଏଥିସହ ଲୁଟ ହୋଇଥିବା ଅଧିକାଂଶ ସୁନା ମଧ୍ୟ ଜବତ କରାଯାଇଛି । ଘଟଣାର ଅଧିକ ତଦନ୍ତ ଜାରି ରହିଥିବା ପୋଲିସ କମିଶନର ସୂଚନା ଦେଇଛନ୍ତି । ତେବେ ଅଭିଯୁକ୍ତମାନେ କଟକ ଏବଂ ଆଖପାଖ ଅଞ୍ଚଳର ବୋଲି ଜଣାପଡିଛି ।

କଟକ ନୟାସଡକ ସ୍ଥିତ ଆଇଆଇଏଫଏଲରେ  ଗତ ୨୦ ତାରିଖରେ ଦିନ ଦ୍ୱିପହରେ ବନ୍ଧୁକ ମୁନରେ ଲୁଟ କରିଥିଲେ ଦୁର୍ବୃତ୍ତ । ପ୍ରାୟ 10 କୋଟିରୁ ଉର୍ଦ୍ଧ୍ୱ ଟଙ୍କାର ସୁନା ଲୁଟିନେଇଥିଲେ ସେମାନେ । ତେବେ ଘଟଣା ପରେ ଆଇଆଇଏଫଏଲ କର୍ତ୍ତୃପକ୍ଷ ଏନେଇ ଥାନାରେ ଏତଲା ଦେଇଥିଲେ ।

Leave A Reply

Your email address will not be published.

ବ୍ରେକିଂ