ଟିଆରପି ସ୍କାମ୍: ପାର୍ଥ ଦାସଗୁପ୍ତାଙ୍କୁ ସର୍ତ୍ତମୂଳକ ଜାମିନ

ମୁମ୍ୱାଇ: ବ୍ରଡକାଷ୍ଟ ଅଡିଏନ୍ସ ରିସର୍ଚ୍ଚ କାଉନସିଲ୍ (BARC)ର ପୂର୍ବତନ ସିଇଓ ପାର୍ଥ ଦାସଗୁପ୍ତାଙ୍କ ଜାମିନ ମଞ୍ଜୁର । ଟିଆରପି ସ୍କାମ୍‌ରେ ଗିରଫ ହୋଇଥିଲେ ପାର୍ଥ ଦାସଗୁପ୍ତା । ୨ ଲକ୍ଷ ଟଙ୍କାର ବ୍ୟକ୍ତିଗତ ମୁଚାଲିକା ଓ ୨ ଜାମିନଦାରଙ୍କ ବଦଳରେ  ମୁମ୍ବାଇ ହାଇକୋର୍ଟ ଜଷ୍ଟିସ୍ ପି.ଡି ନାଏକ ଦାସଗୁପ୍ତାଙ୍କ ଜାମିନ ମଞ୍ଜୁର କରିଛନ୍ତି ।

ତେବେ ପୋଲିସ ନିକଟରେ ପାସପୋର୍ଟ ଦାଖଲ କରିବା ସହ ଭାରତ ଛାଡ଼ି ନଯିବାକୁ କୋର୍ଟ ପକ୍ଷରୁ ଦାସଗୁପ୍ତାଙ୍କୁ ନିର୍ଦ୍ଦେଶ ଦିଆଯାଇଛି । ଏଥିସହିତ ପ୍ରତି ସପ୍ତାହର ପ୍ରଥମ ଶନିବାର ଥାନାରେ ହାଜିରା ଦେବାକୁ ମଧ୍ୟ କୁହାଯାଇଛି । ଏଥିସହିତ ଟ୍ରାଏଲ ସମୟରେ କୋର୍ଟରେ ଉପସ୍ଥିତ ରହିବା ସହ ସାକ୍ଷ୍ୟ ପ୍ରମାଣ ନଷ୍ଟ ନ କରିବାକୁ ନିର୍ଦ୍ଦେଶ ଦିଆଯାଇଛି ।

ସୂଚନା ଯୋଗ୍ୟ ଯେ, ଟେଲିଭିଜନ୍ ରେଟିଂ ପଏଣ୍ଟ ବା ଟିଆପରପିକୁ ନେଇ ବଡ଼ ଘୋଟାଲା ସାମ୍ନାକୁ ଆସିବା ପରେ ବାର୍କ ପକ୍ଷରୁ କଠୋର ପଦକ୍ଷେପ ଗ୍ରହଣ କରାଯାଇଛି । ଆସନ୍ତା ୩ ମାସ ପାଇଁ ଦେଶର ସମସ୍ତ ଇଂରାଜୀ, ହିନ୍ଦୀ ଓ ଆଞ୍ଚଳିକ ନ୍ୟୁଜ୍ ସହ ବ୍ୟବସାୟିକ ଚ୍ୟାନେଲର ସାପ୍ତାହିକ ରେଟିଂ ବନ୍ଦ କରିବାକୁ ନିଷ୍ପତ୍ତି ନେଇଛି ବ୍ରଡକାଷ୍ଟ ଅଡିଆନ୍ସ ରିସର୍ଚ୍ଚ କାଉନସିଲ୍ ।

Leave A Reply

Your email address will not be published.

ବ୍ରେକିଂ